Um okkur

Þakco var stofnað árið 2021 af Snævari Jónssyni með skýra framtíðarsýn um að einfalda og bæta þjónustu í þaksmíði á Íslandi.

Frá upphafi hefur aðaláherslan verið á utanhússmíðavinnu með sérstaka sérhæfingu í þökum.

Þrátt fyrir víðtæka þekkingu í almennri smíði hefur Þakco byggt sérstöðu sína á sérþekkingu við alla utanhúslokun.

Við hjá Þakco leggjum óskipta áherslu á auðvelt aðgengi að okkur og fagmennsku.

Með það í huga var Þakco fyrst til að innleiða þakreiknivél á netinu sem gerir viðskiptavinum kleift að fá verðáætlun á fjölbreyttum þakgerðum með örfáum smellum. Þessi tækni umbreytti íslenskum þakmarkaði og nýtist nú yfir 5.000 notendum mánaðarlega þar á meðal fjölmörgum verktökum sem treysta á reiknivélina í eigin verkefnum. Þannig hefur Þakco, að mörgu leyti, mótað umhverfið í greininni.

Í takt við þá þróun kynnti Þakco nýverið gervigreindar reiknivél fyrir utanhúsklæðningar, þar sem notendur geta hlaðið inn mynd af húseign sinni og fengið sýnilega útkomu ásamt kostnaðaráætlun fyrir verkið.

Þessi nýjung staðfestir metnað okkar fyrir stöðugum umbótum og snjallari lausnum fyrir viðskiptavini.

Þakco rekur einnig deild í verkstýringu og byggingarstjórn undir stjórn Óðins Óðinssonar byggingarstjóra, sem hefur umsjón með smíðaverkefnum og eftirfylgni þeirra.

Við höfum tekið þátt í fjölbreyttum verkefnum víðsvegar um landið — bæði fyrir einstaklinga, húsfélög og stærstu framkvæmdaaðila landsins. Þar má nefna samstarf við Reiti fasteignafélag, JE Skjanna, Laxey og fjölmörg önnur leiðandi fyrirtæki.

Umfangsmesta einstaka verkefni á Íslandi um þessar mundir er

landeldið í Vestmannaeyjum, sem telur tugþúsundir fermetra á ári og er Þakco að sjá um þök sem að tengjast tönkum og þjónusturýmum.

Þakco er mannað til þess að vinna verkefni af öllum stærðargráðum og er fyrirtækið ávalt reiðurbúið í ný og krefjandi verkefni þar sem að við getum notað okkar víðtæku reynslu til að koma öðrum til aðstoðar.

Frá stofnun höfum við vaxið hratt og stöðugt – og stefnan er skýr: að halda áfram að veita fyrsta flokks þjónustu, vönduð vinnubrögð og snjallar lausnir – hvort sem um er að ræða stærstu framkvæmdaverkefni landsins eða einstaklinga sem eru að leita að ráðgjöf og lausn við sín húsverkefni.